Ақтөбе қаласының білім басқармасы

22 маусым күні мектебімізде 11-сыныпты бітіруші түлектерге аттестат тапсыру рәсімі өткізілді. Биылғы оқу жылында 56 түлек негізгі мектепті аяқтап, үлкен өмірге қадам басты. Оның ішінде 4 оқушы алтын белгі иегерлері атанды . Олар : Қуандықов Санжар, Самат Ханшайым, Мамбетова Жансая, Айтбаева Жазира .

5 - 16 маусым аралығында мектебімізде мектепшілік "Kids land” лагері мен "Happy life” жазғы алаң жұмысы жүргізілді. Мектепшілік лагерь кезеңіне барлығы 30 оқушы , жазғы алаңға 50 оқушы қатысты. Екі апта аралығында оқушылар түрлі шараларға қатысып, қызықты ойындардың кейіпкерлері бола білді.

«Kids Land» жазғы лагерінің тәрбиеленушілері үшін бүгінгі күн де ерекше өтті. Олар Н. Байғанин атындағы облыстық кітапханаға топсеруен жасап, ондағы балалар әдебиеттерімен, электронды кітаптармен жұмыс жасау тәртібін үйренді. Кітапханашылар балаларды жазғы мезгілде қызықты кітаптар алып оқуға шақырды. Түскі ұйқыдан кейін күн көзіне жылынған суға қағаздан қайық, кемелер жасап жүздірді. Соңында бір-біріне су шашып ойнап, балалар мәз болды.

14 маусым күні “Happy Life” жазғы алаңының сегізінші күнінде дене шынықтыру пән мұғалімдерімен бірге таңғы жаттығу;
Жазғы алаң тәрбиешілерімен бірге Ақтөбе қаласындағы «Локомотив» кинотеатрына мультфильм көруге барды.
«Трио в перьях» мультфильмі достық, ауызбіршілік секілді қасиеттерді баланың бойында арттыруға септігін тигізді. 

Мектеп жанындағы «Kids land»  лагерінің тәрбиеленушілері бүгін тәрбиешілерімен бірге жоспар бойынша облыстық планетарийге топсеруен жасады. Планетарийден  балалар өте керемет әсермен шықты, аспан әлемінің ғажайып қыр-сырларын танып, галактикадағы  ғажайыптарды тамашалады.