Ақтөбе қаласының білім басқармасы

Ұстаздар күні құтты болсын!!!

21 қазан күні сағ. 17.00 де мектебіміздің 9-10 класс аралығында өткізілетін "Ғажайып күз" сайысына белсене қатысуға шақырамыз !

 2022жыл - Балалар жылы» аясында салауатты өмір салтын насихаттау мақсатында білім беру қызметкерлерінің арасында ұйымдастырылған облыстық волейбол жарысына қатысқаны үшін #8 ОМ командасы марапатталады.
@obrazovanie_gorod_aktobe

2022 жылғы 7 қазанда «Ақтөбе-Дарын» өңірлік ғылыми-тәжірибелік қосымша білім беру орталығының ұйымдастыруымен республикалық «Тарихи шежірем. Менің тегімнің тарихы» байқауының облыстық кезеңі қашықтан өткізілді.
Байқау қорытындысы бойынша мектебіміздің абыройын көтеріп, жүлделі II орын иеленген Сұлтан Шұғыла марапатталады.
Жетекшісі: Кушкарбаева Алтын
Құттықтаймыз!

@aktobe_daryn
@obrazovanie_gorod_aktobe

Қазан айының алғашқы мерекелері қарттар күні мен ұстаздар күніне орай , 5 қазан күні 4 "Г" сыныбында "Үлкендер жолы -ұлылық, ұрпағы жүрер ұғынып" атты ардагер ұстаздармен кездесу (сыр сұхбат бағдарламасы) өткізілді. Мақсаты: оқушылардың ұстазды құрметтеуге, сыйлауға үйрету, ұстаз мамандығының қыры мен сырын , ұстаз еңбегін әрқашан бағалай білуге үйрету. Сыр сұхбат бағдарламасының қонақтары мектебімізде бірнеше қыл қызмет еткен Мектепова Сара Олжабайқызы және сыныптағы Сағынбекқызы Жанелдің әжесі арнайы Шалқар қаласынан шақыртумен келген Оразбаева Лиза Елубайқызы болды. Оқушылар ұстаздардың еңбек жолымен таныса отырып өздерінің сұрақтарын қойды. Бағдарлама соңында оқушылар өнерлерін де көрсетті.

Күздің иісі аңқыған,
Табиғат қандай тамаша.
Жайдарлы,жарқын ұстаздың,
Күлімдеп тұрған шағындай.

Мереке сізге арналар,
Ұстаздар бүгін шаттанар.
Құшағы гүлге толғанда,
Жанары күндей жадырар.

Бағбаны сіздер ,шәкірттің,
Бақыты сіздер, шәкірттің.
Білімнің бастау бұлағы,
Сіздерден ғана басталар.

Ақылшым сізсіз ,ұстазым,
Жол сілтер сізсіз,ұстазым.
Болашақ сізбен көркейіп,
Келешек сізбен нұрланар.

Даналар сізге бас иер,
Батыр да сізге бас иер.
Ұстазсыз шәкірт өмірі,
Тамырсыз солған гүлмен тең.

Арналар сізге,ән мен жыр,
Арналар сізге, бар құрмет.
Сіздермен ғана ұстаздар ,
Бар әлем нұрға бөленер.
Мерекеде оқушылар ұстаздарды ерекше ықыласпен құттықтап, тілектерін білдірді!

Кітап - адамзат өміріне өлшеусіз үлес қосып келе жатқан рухани құрал. Адамгершілігі жағынан мәдениетті адамдар, саналы еңбеккерлер кітапқа деген терең сүйіспеншілікке бөлінген жанұялардан өсіп шығады. Бірақ, қазір рухани жетілдірді басым көпшілігіміз кітаптан емес, ғаламтордан іздеп жүргеніміз сөзсіз...
Шығыс ойшылы Әлішер Науай: "Кітап- ақылына ақы сұрамайтын алтын қазына" десе, Абай атамыз "Танымның бір тамшысы - кітапта, оған қол жеткізу үшін кітап оқудан жалықпа" деп насихаттаған.
Осынау даналық сөздерді негізге ала отырып, кітапхана қорына келіп түскен жаңа әдебиеттер топтамасын оқырман назарына ұсынамыз!

Бүгін ұжым бірауыздан тазалық жұмыстарына ұйымшылдықпен кірісті. Өз ауламыз,өз мектебіміздің тазалығы- өз айнамыз!
Мектеп ауласының көркіне айналған алма, алмұрт, қарақат жеміс ағаштарын қысқа дайындап, бой алған ағаштарды қоқыстан тазарту жұмыстары кеңінен жүріп, мектеп ауласы көріктене түсті.

Білім беру ұйымдарында мектеп пен ата-аналардың байланысын ұйымдастыру мақсатында 3 класс ата-аналарының қатысуымен отбасылық спорт сайысы болып өтті.
Спорттық сайысқа
- Достық
- Ынтымақ
- Тастүйін
- Болашақ
- Орда топтары спорттың 6 түрінен өзара сайысқа түсті.