Ақтөбе қаласының білім басқармасы

Бүгін әйгілі тары өсіруші, Ленин ордені иегері - Шығанақ Берсиев ескерткіш мүсіні алдында Жеңіс күніне арналған "Ерлікке тағзым" шарасы өткізілді.

Игі шараға Ауған соғысы ардагері Жакупов Болат Спандиярович, Жолмағамбетов Егізбай Утегенович, облыстық білім басқармасы және N8 мектеп оқушылары мен "ШЫҒАНАҚ БЕРСИЕВ АТЫНДАҒЫ АҚТӨБЕ ЖОҒАРЫ АУЫЛ ШАРУАШЫЛЫҒЫ" колледжінің студенттері қатысты.

Шара барысында әнұран айтылып, Ш.Берсиев ескерткішіне гүл шоқтары қойылып,ардагерлер құттықтау сөзін сөйледі.

МЕКТЕП ДИРЕКТОРЛАРЫНА АРНАЛҒАН ҮШ КҮНДІК ОҚЫТУ СЕМИНАРЫ БАСТАЛДЫ

Бүгін, Ақтөбе облыстық білім басқармасының және облыстық ғылыми-тәжірибелік орталығының ұйымдастыруымен «ЖАС БАСШЫ МЕКТЕБІ» жобасы аясында «Мектептегі менеджмент: тиімді басқару және сапалы білім» тақырыбында облыстың жалпы білім беретін мектептерінің директорларына арналған үш күндік оқыту семинары бастау алды.

Семинардың мақсаты: білім беруде мектеп директорларының кәсіби құзіреттілігін арттыру, мектепті тиімді басқаруға, сапалы білім беруді ұйымдастыруға ықпал ету.

Үш күндік семинардың бағдарламасы бойынша бірінші күні облыстық ғылыми-тәжірибелік орталығы басшысының орынбасары Ж.Ә.Исатаева семинарды ашып, мектеп директорларының құзыреттілігі туралы айтты. «Білім алушылардың үлгеріміне ағымдық бақылау, аралық және қорытынды аттестаттау өткізу туралы» Ақтөбе облысының білім басқармасы мектепке дейінгі және жалпы орта білім беру бөлімінің басшысы Г.Қ.Құлыбекова, «Кәсіби этика және педагогикалық қарым-қатынас» Ақтөбе облысының білім басқармасының әкімшілік жұмыстар бөлімінің басшысы А.Б.Хасен, «Білім беру ұйымдарының қаржы шаруашылық қызметті ұйымдастыру» бюджетті жоспарлау және болжамдау бөлімінің басшысы А.З.Тындыбаева, «Жетім және ата-анасының қамқорлығынсыз қалған балалардың құқықтары мен мүдделерінің қорғалуы» балалардың құқықтарын қорғау, қамқоршылық, қорғаншылық, арнаулы білім беру бөлімінің бас маманы М.Ж.Нургалиева бөлісті.

Нормативтік-құқықтық актілеріне әлеуметтік көмек және ыстық тамақ ұйымдастыру мәселелері бойынша енгізілген өзгерістер жөнінде балалардың құқықтарын қорғау, қамқоршылық, қорғаншылық, арнаулы білім беру бөлімінің бас маманы Б.К.Айтбаева мәлімдесе, кәмелетке толмағандар арасындағы құқық бұзушылықтардың алдын алудағы мектептің рөлі туралы қосымша білім беру және тәрбие беру бөлімінің басшысы А.И.Избасаров айтып берді.

Семинардың практикалық бөлімі «Басқару менеджменті: мектеп тәжірибесі» тақырыбы бойынша Ақтөбе қаласындағы №8 ОМ, Новый ОМГ және Әл-Фараби атындағы №21 мамандандырылған гимназияларға топқа бөлініп тәжірибе бөлісті.

1- мамыр Қазақстан халықтар бірлігі күні қарсаңында, мектебіміздің 5 сынып тәрбиеленушілері Елбасы Н.Ә.Назарбаевтың бастамасы бойынша құрылған Қазақстан Республикасының Бірыңғай «Жас Ұлан” балалар мен жасөспірімдер ұйымына салтанатты түрде қабылдау рәсімі өтті. “Жас Ұлан” ұйымы қатарына өз өтініш білдіріп,барлығы 149 оқушы қабылданды.

Оқушылар Отанының ,елінің, жерінің адал азаматтары болуға, Мемлекеттік рәміздерді құрметтеуге, дәріптеуге, ата-ананы қадірлеуге, білімге табандылықпен ұмтылуға, табиғатты аялауға, Отанына шексіз қызмет етуге ант берді.

Шараға “Қамқоршылық кеңес” мүшесі, Ауған соғыс ардагері- Жакупов Болат Спандиярович тәрбиеленушілерге ыстық лебізін білдіріп, Отанымыздың патриоты болуға шақырды.
Салтанатты жиынға “Жас Ұлан” ұйымының белсенділері ат салысып,
“Мектеп Парламенті” белсенділері 5 сынып оқушыларына қолдау көрсетіп, көшбасшылықтарын танытты.

Ұйымдастырушы: Аға тәлімгер Бөрібаева Ж.

29 сәуір күні, мектебіміздің 9-10 класс оқушылары арасында " Monopoly “ үстел ойыны өткізілді. Ойын барысында оқушылар ағылшын тілінде өз ой пікірлерін білдіріп, тілдік қабілеттерін дамытты.

Жетекшілері: Н.Н.Тұрсынбекова.
А.Ж. Жаушыбаева.

Ағылшын апталығының жоспарына сәйкес,мектебіміздің 8 кластар арасында "Workshop time" шарасы өткізілді. Бұл сыныптан тыс шарасында оқушылар қызықты тапсырмалар арқылы "CRAFT" жұмыстарын орындады.

Жетекшілері: Ж.Р.Данешева
Н.М.Найзекешева

29 сәуір күні, орта буын 6-7 кл аралығында ағылшын тілі апталығының жоспарына сай, " Alladin and the magic lamp “ атты ағылшын тілінде қойылым өткізілді. Бұл қойылымда оқушылар еркін түрде ағылшынша сөйлеп, әртістік қабілеттерін көрсете білді.
Жетекшісі : Куздыбаева Назгүл Аманжоловна

Бүгін 6 кл аралығында "Mental Up Brain Game" атты интеллектуалдық шарасы өткізілді. Ойын барысында қатысушылар ағылшын тілінде бақ сынасып,ойындар бойынша жүлделі орындарға ие болды.

Жетекшілері: Дина Жарасбекқызы
Асель Баканова

Бүгін ағылшын тілі бірлестігінің апталық жоспарына сәйкес , бастауыш 2-3 класс оқушылары арасында *Advantures of Lazy Town * атты мультфильм желісімен сыныптан тыс шара өтті! Шара барысында оқушылар әр түрлі тапсырмалар орындап, ән айтып, би биледі! Жеңімпаздар жүлделі орындармен марапатталды!

Жетекшілері: Серікова Айдана
Зайрымбетова Нұрбақыт
Оңбай Альбина
Әлуова Гүланар

Бүгін апталықтың жоспарына сай, 10 сынып оқушылары Ақтөбе қаласы, Баишев кітапханасындағы "American Corner” атты ағылшын тілдер бұрышына саяхат жасады. Осы сапар барысында оқушылар кітапхананы толық аралап, ағылшын тіліндегі үстел ойындарына қатысты.